Linutop: disko gogorrik gabeko ordenadorea

Linutop GNU/Linux-en oinarritutako disko gogorrik gabeko ordenadorea da. Kutxatxo baten tankera dauka eta GB 1-eko USB memoriarekin batera dator, bertan sistema eragilea (Xubuntu) eta zenbait aplikazio (Firefox, Gaim, Abiword…) datoz. Txikia da (9.3 x 2.7 x 15 cm) eta (diotenez) isila, energia gutxi kontsumitzeaz aparte.

Hori bai, monitore, arratoi eta teklatua lehenagotik eduki beharko dituzu, ze horiek gabe datoz. CD/DVD unitateekin ere antzeko zerbait (kanpoko unitateren bat beharko dezu).

Eta zertarako disko gogorrik gabeko ordenadore bat? Bere webgunean diotenez gehienbat Internetetik dabitzanentzat pentsatua dago. Ideia ona izan daiteke liburutegietan (eta orokorrean edozer disko gogorrean gordetzea uzten ez duten lekuetan) jartzeko. Hori bai, beti jarri diezaiokezu kanpoko disko gogor bat USB bidez.

Holakoren bat nahi ezkero, prestatu balio dituen 280€-ak.

[Hemen ikusia]